許志安黃心穎偷食被瘋狂改圖　網民︰許志安黃心穎上錯「降魔的」

許志安與黃心穎被爆偷食，網民紛紛在網上大罵兩人愧對另一半，對鄭秀文（Sammi）大表同情，但網民關心馬國明之餘，亦瘋狂改圖，有人笑許志安與黃心穎上錯「降魔的」，建議馬明︰「不如拍番套『降安的』」！

「安心偷食」事件在連登和facebook被瘋狂討論，WhatsApp群組間亦十分熱烈，鬧爆心穎做小三，許志安樂於偷食。有網民呼籲TVB《東張西望》盡快訪問兩位當事人。

不少網民嘲諷兩人，指很多職業司機都會裝車cam，竟然夠膽在公眾地方偷食，懷疑兩人當時飲醉酒。不過，有人睇完片後覺得全程是心穎做主動，許志安顯得較避忌，相信現在被爆出醜聞應該好後悔，兩人的事業隨時玩完！

許志安與鄭秀文相戀近30年，曾經離離合合，6年前結婚，網民大嘆Sammi奉上一生青春！

俾條賤男三番四次欺騙！

仲要差唔多開演唱會，佢老公搞單咁嘅嘢出嚟！

唯獨性是不可取替。

Sammi上月曾在心穎的IG上留言，心穎貼出一張健身的相片，Sammi留言讚她︰「女超人。」令網民感到心酸︰「Sammi真係好慘！呢個女人唔知醜！」心穎現已封了IG的留言功能。

有人建議貌似黃心穎的蔡一智代為認錯，

蔡一智攬住杜德偉！
蔡一智出嚟認咗佢啦！

網民紛紛猜測Sammi會如何回應，又會否如周慧敏和李心潔原諒老公出軌賤男，有人勸馬明不如揀返仍然單身的胡定欣。